Еурокомиссия пластиктен жасалған бір рет пайдаланылатын ыдыстарға және әрі қарай өңдеуге келмейтін қоқысқа тыйым салмақ. Бұл туралы Funke Mediengruppe сайты жазады, деп хабарлайды Вaq.kz ақпарат агенттігі lenta.ru басылымына сілтеме жасап.

Атап айтқанда, бір рет қолданылатын ыдыс, ас үй құралдары, сусынға арналған трубочкалар, шарларға арналған пластик таяқшаларға тыйым салынады. Бұдан басқа, дәмханадан тағамды пластик ыдыспен алып шығуға да шектеу қою жоспарланып отыр.

Сонымен қатар, пайдаланылғаннан кейін өңдеуге жарамайтын қоқысқа да тыйым салынбақ. Еурокомиссар Гюнтер Эттингердің пікірінше, мұндай шаралар пластик қалдықтардың көлемін азайтады.

Комиссия тиісті құжаттарды 28 мамыр күні Брюссельдегі Еуроодақтың отырысына ұсынады.