Ресейлік ғарышкер Астананың ғарыштан түсірілген суретін жариялады

Ғарышкер өзінің инстаграм желісіндегі парақшасында жариялаған суретке былай деп жазды.
"Әлеуметтік желіде жазылған қазақстандықтардың көбі Астананы ғарыштан түсіруді сұрайтын. Міне, сол Қазақстанның маржаны - керемет #Астана!", - деді ол.
Ол өзі түсірген суретте Есіл өзені мен қала көшелерінің, шаһар маңындағы көлшіктердің де анық көрініп тұрғанын жазды.
"Бұл суретте олар мұз құрсауынан енді ғана бусанып жатыр, өйткені сурет бірнеше апта бұрын түсірілген. Қазір Астанаға көктем толық келгеніне сенімдімін, солай емес пе?" - деп жазыпты Шкаплеров.
Антон Шкаплеров - ресейлік ғарышкер. Ресей әуе күштерінде ұшқыш болған. Ол өзінің Instagram желісіндегі парақшасында ХҒС-те түсірілген суреттерді жариялап тұрады.