Қазақстанда майнерлерге қатысты жаңа талап енгізіледі

Мәжілісте цифрлық активтер нарығын дамытуға бағытталған "Қазақстан Республикасындағы цифрлық активтер туралы" заң жобасы мен оған қатысты төрт заң жобасының бастамалары талқыланған.

Депутат Екатерина Смышляеваның айтуынша, майнинг мәселелері бойынша заңнамаға түзетулер енгізіліп жатыр, себебі олар Қазақстан экономикасының толыққанды қатысушысы, сонымен қатар майнинг-пулдар да экономиканың бір бөлігіне айналады.

"Жасалып жатқан экожүйеде жаңа қаржы институты – қазақстандық криптобиржалар дамып келеді. Олардың қызметін қолдау 2024 жылдан бастап майнерлерге өз капиталының 75 пайызын отандық криптобиржаларға айырбастауға міндетті талап енгізу арқылы жүзеге асырылады", - деп түсіндірді Смышляева.

Бұдан басқа, Қазақстанда салық салу бөлігінде жабдықтарды әкелу кезінде қолданыстағы қосымша құн салықтарына және корпоративтік табыс салығын, майнинг-пулдың табысына салынатын салықты, криптобиржалардағы операциялардан төлемақыны республикалық бюджетке алу жоспарланып отыр.

Бұл ретте олардың қызметі Цифрлық даму, инновациялар және аэроғарыш өнеркәсібі министрлігімен реттеледі және лицензияланады.