Тұрғын өтініші ескерілді
Бүгін аудандық партия филиалының қоғамдық қабылдау бөлмесінде аудандық мәслихат депутаты, «Қазалы» БПҰ төрағасы Кәдір Ардақ Нартайұлы бекітілген кесте бойынша тұрғындарды жеке мәселелерімен қабылдады.
Қабылдауға алғашқы келген кент тұрғыны немересінің денсаулығына байланысты ем алуға қаржылай қолдау керектігін айтып, сонымен бірге тұрғын үй мәселесі бойынша өтінішін жеткізді. Өтініш иесінің тұрмыс жағдайы ескеріліп, зерделенгеннен кейін, қаржылай көмек көрсетіліп, мәселесі оң шешімін тапты. Тұрғын үй мәселесі бойынша жауапты сала басшысымен байланысып, шешілу жолдарын қарастырды.
Ал екінші тұрғын жеке мәселесі бойынша өтінішімен жүгініп, мәслихат депутаты тиісті түсіндірме жұмыстарын жүргізді.
#AMANAT
