Қой саны өсіп, ешкі азайған
Биыл қаңтар-шілдеде Ауыл шаруашылығы өнімдерінің өндірісі 2,388 трлн теңге болды. Статистикаға сенсек, бұл көрсеткіш 2021 жылдың сәйкес кезеңімен салыстырғанда 2,1%-ға артық, деп хабарлайды inbusiness.kzОның ішінде, 1,964 трлн теңге болатын мал шаруашылығы өнімдері (1,3%-ға өсті), 402,5 млрд теңгенің өсімдік шаруашылығы өнімдері бар (6,7%-ға өсті).
1 тамыздағы жағдай бойынша ірі қара басы былтырғы жылмен салыстырғанда 4,5%-ға өскен. Яғни, елімізде 9 млн 433,3 мың бас ірі қара бар деген сөз.
Жылқы басы 11,4%-ға, 3 млн 935,4 мың басқа дейін;
қой - 3,9%-ға, 22 млн 240,8 мың басқа дейін;
құс - 0,1%-ға, 49 млн 751,8 мың басқа дейін өсті.
Ешкі басы 0,6% -ға, 2 млн 720,1 мың басқа дейін;
шошқа 11,4%-ға, 841,3 мың басқа дейін төмендеді.
