Басықара каналындағы көпір құрылысы аяқталуға жақын қалды
Қазіргі таңда Басықара ауылына кіре беріс жолдағы көпірдің құрылысы аяқталуға жақын. Бүгін аудан әкімі Мұхтар Оразбаев пен аудандық мәслихат хатшысы Бақытжан Жарылқап көпір басына арнайы барып, құрылыс жұмыстарын көрді.Мердігер мекеме «Жылу ХХІ» ЖШС директоры Көпжан Бижанов аудан басшысын атқарылып жатқан жұмыстармен таныстырып, көпір құрылысы жақын арада аяқталатынын жеткізді.
Аудан әкімі Мұхтар Оразбаев мердігер мекеме басшысына көпір құрылысына қатысты бірқатар кемшіліктер бар екенін, оны тез арада қалпына келтіру қажеттігін айтты.
Сондай-ақ, жаңадан салынып жатқан көпір құрылысы стандартқа сәйкес сапалы болу қажеттігін тапсырды.
#Қазалы
