Жемқорлықтан арылу ардың ісі
ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Бақытжан Ниязов Қазалы ауданына келіп, мемлекеттік қызметшілермен кездесті.Басқосуды аудан әкімі Мұхтар Оразбаев ашып, кездесудің күн тәртібіндегі мәселенің маңызы жоғары екендігін атап өтті.
ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Бақытжан Ниязов қазіргі қоғам үшін сыбайлас жемқорлықпен күрес ең өзекті мәселелердің бірі болып табылатынын жеткізді.
Сонымен қатар, мемлекеттік қызметшілердің сыбайлас жемқорлыққа қарсы іс-қимыл заңнамасын сақтауы, сыбайлас жемқорлық бойынша Қылмыстық және Әкімшілік құқық бұзушылық Кодекстерінде көзделген жауапкершілік түрлері мен ауданда туындаған сыбайлас жемқорлық тәуекелдер мәселелері жөнінде кеңінен айтып берді.
«ҚАЗАЛЫ» ақпарат
