Тәуелсіздік күні мерекесіне орай Қызылордада мемлекеттік-жеке меншік әріптестік аясында салынған 400 орындық емхана пайдалануға берілді. Бұл мемлекеттік-жекеменшік әріптестік нәтижесінде жүзеге асқан республикадағы алғашқы жоба.

Жаңа клиника облыс орталығының 46 мың тұрғынына қызмет көрсететін болады. Ғимаратта балалар мен ересектерге арналған бөлімдер, функционалды диагностикалық бөлім, зертхана, 10 төсектік күндізгі стационар және қосалқы бөлмелер бар. Нысан «ALEXEY SULTAN AKHMED» ЖШС жеке инвестор және кепілдендірілген тегін медициналық көмекке тапсырыс аясында бюджет қаржылары есебінен салынды. 

Жыл соңына дейін Жаңақорған және Қазалы аудандарының орталық ауруханалары пайдалануға беріледі.