Микроқаржылық ұйымдардың активтері 20,6%-ға артты
Бұл рекордтық өсім болып есептеледі. Микроқаржылық ұйымдардың активтері 20,6%-ға артты. 2022 жылдың бірінші тоқсанында активтер көлемі 167,8 млрд теңгеге немесе 20,6%-ға өсті, деп жазды inbusiness.kz.Ұлттық банктің мәліметтеріне сәйкес, 2022 жылғы 1 сәуірде микроқаржылық ұйымдар активтерінің жалпы көлемі 983,2 млрд теңгені құрайды.
Несиелік портфель 59,7 млрд теңгеге өсіп, 756,2 млрд теңгеге жетті. Бірақ меншікті капиталдың жалпы сомасы әлдеқайда жоғары болды: 1 қаңтардағы 243,4 млрд теңгеден 1 сәуірдегі жағдай бойынша 359 млрд теңгеге жуықтады. Тоқсандық өсім 47,5%.
Айта кететіні, елімізде тіркелген МҚҰ-лардың жалпы саны да артты. Бұрын 237 ұйым болса, қазір 246-ға жетті.
