Бүгін еліміздің басым бөлігінде жаңбыр жауады

Синоптиктер 19 мамырға арналған ауа райы болжамын жасап, Қазақстан аумағында болатын метеорологиялық құбылыстар туралы айтты, деп хабарлайды Azattyq Rýhy.

«Алдағы тәулікте Қазақстан территориясына антициклон ене отырып, солтүстік-батыс циклонын елімізден ығыстырады. Соның әсерінен ҚР басым бөлігінде жаңбыр, солтүстік пен оңтүстік-шығыста қатты жаңбыр жауады, найзағай, бұршақ, дауыл болып, жел күшейеді. Батыс, солтүстік пен орталықта түнде және таңертең тұман түседі», - делінген «Қазгидромет» РМК баспасөз хабарламасында.
Атап айтқанда, Ақмола, Солтүстік Қазақстан облыстарының басым бөлігінде желдің күші 15-20, күндіз екпіні 23-28, солтүстік-шығыста кей уақыттарда 30 м/с жетеді, солтүстігі, батысы мен шығысында бұршақ жауып, дауыл соғады.
Қостанай облысында желдің түнде батысында 15-20 м/с, күндіз басым бөлігінде 15-20, екпіні 23-28, шығысында 30 м/с жетеді, батысында, солтүстігінде бұршақ жауып, дауыл соғады.

Қарағанды облысында желдің түнде солтүстігі мен батысында 15-20 м/с, күндіз басым бөлігінде 15-20, екпіні 23-28, солтүстігінде 30 м/с жетеді, түнде солтүстігі мен шығысында тұман түседі.

Түркістан облысының тауларында дауыл соғып, жел күші 15-20 м/с жетеді.
Батыс Қазақстан облысының солтүстігі мен оңтүстігінде бұршақ, дауыл болып, күндіз солтүстігі, солтүстік-шығысында желдің 15-20 м/с дейін күшейеді.
Павлодар облысының басым бөлігінде күндіз жел күші 15-20, батысында екпіні 23 м/с жетеді, түнде батысында тұман түседі.

Шығыс Қазақстан облысының солтүстігі, оңтүстігі мен орталығында бұршақ жауып, жел күші 15-20, екпіні 23 м/с күшейеді.
Жамбыл облысының оңтүстігі мен таулы аудандарында бұршақ, дауыл болып, оңтүстік-батысы, солтүстік-шығысы мен таулы аудандарында жел 15-20 м/с күшейеді.

Ақтөбе облысының солтүстігі мен шығысында, күндіз Қызылорда облысының орталығында жел 15-20 м/с күшейеді.
Маңғыстау облысының батысында түнде және таңертең тұман түседі.
Шығыс Қазақстан облысының Жарма ауданында, Қызылорда облысының орталығында төтенше өрт қаупі сақталады.