Қазалы Qazaly.kz ақпараттық агенттігі
» » Мемлекеттік қолдау көрсетілген 224 кәсіпорынның шығыны өтелді

Мемлекеттік қолдау көрсетілген 224 кәсіпорынның шығыны өтелді

«QazIndustry» Қазақстандық индустрия және экспорт орталығы» АҚ соңғы 5 жылда 224 өңдеуші кәсіпорынның жалпы сомасы 2,8 млрд теңгеге шығынын өтеді.
Ең үлкен қолдауды машина жасау, агробизнес және металлургия салаларындағы өндірушілер алды, деп хабарлайды ҚазАқпарат ҚР Индустрия және инфрақұрылымдық даму министрлгінің баспасөз қызметіне сілтеме жасап. Бұл ынталандыру шарасы Министрдің 2015 жылғы 9 желтоқсандағы бұйрығымен бекітілген Еңбек өнімділігін арттыруға және аумақтық кластерлерді дамытуға бағытталған индустриялық-инновациялық қызмет субъектілеріне мемлекеттік қолдау көрсету қағидалары аясында жүзеге асырылады. Нәтижесінде отандық кәсіпорындар шетелдік мамандар мен сарапшыларды тарта отырып, өндірісте жаңа технологияларды игеріп, өндіріс көлемін ұлғайтты, өндірістік циклдегі шығындарды оңтайландырды, өнімнің ассортиментін кеңейтіп, сапасын арттырды, сондай-ақ өндірістегі позицияларын нығайтты. Нарыққа 50-ден астам заманауи автоматтандырылған басқару жүйесі енгізілді, 200-ден астам жаңа өндірістік желілер мен жабдықтар орнатылды. Жалпы, мемлекеттен өтемақы алған кәсіпорындар осы жылдар ішінде қызметінде оң нәтиже көрсетті. Олар жиынтықта өндірісті 50%-дан астамға ұлғайтты, өнімнің жаңа түрлері пайда болды, өнімділік 63%-ға, кәсіпкерлік табыс екі есеге, жалпы салық 3 есеге өсті. Қазіргі уақытта «QazIndustry» АҚ өнеркәсіпті мемлекеттік ынталандыру операторларының бірі ретінде «Индустриялық саясат туралы» жаңа Заңды іске асыру аясында қолданыстағы мемлекеттік ынталандыруларға өзгерістер мен толықтырулар енгізуде. «Осылайша, өзгерістер кәсіпорынның құзыреттілігін арттыруға қатысты шараларды енгізді. Қызметкерлердің біліктілігін арттыру үшін өтемақы төлеу мерзімін, оның ішінде кадрларды қайта даярлауды 3 айға дейін ұлғайту бойынша ұсыныстар енгізілуде. Сондай-ақ автоматтандырылған жүйелерді дамытуға, оның ішінде лицензиялық бағдарламалық қамтамасыз етуді сатып алуға кеткен шығындарды өтеу қарастырылған. Отандық IT-компанияларды қолдау мақсатында отандық шешімді сатып алу үшін шығындарды өтеу сомасын 40-тан 50%-ға дейін арттыру ұсынылуда. Ережедегі негізгі өзгеріс өтелетін сома сомасына сәйкес қарсы міндеттемелерді енгізу болып табылады»,-делінген хабарламада. Экономиканың басым салаларында жұмыс істейтін барлық кәсіпорындар мемлекеттік ынталандыруларды пайдалана алады. Өнеркәсіптік өндіріс субъектілеріне кеңес беру туралы ақпаратты мына телефондар бойынша алуға болады: 8(7172) 79 33 90 ішкі 444.
28 сәуір 2022 ж. 397 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031