Білім және ғылым министрлігі: Мектептерде мерекелерге орай жиын өткізілмейді
Мектептерде 7 және 9 мамыр мерекелеріне арналған жиындар өтпейтін болды. Бұл туралы Білім және ғылым министрлігінің баспасөз қызметі мәлімдеді, деп хабарлайды Экспресс К."Мектептерде 7 және 9 мамырда аталып өтетін мерекелер қарсаңында патриоттық тәрбие беру, соғыс ардагерлерінің жеңіске қосқан үлесі, Отанға деген сүйіспеншілік, ізгілік, бейбітшілік пен келісімнің маңыздылығы туралы сынып сағаттары өткізіледі. 9 мамырға арналған жиын өткізу жоспарда жоқ", — деп мәлімдеді министрліктің баспасөз қызметі.
Сонымен қатар, ведомство әскери киім мен атрибуттарды қолданып, театрландырылған көрініс қоюдың қажет еместігін ескертті.
Министрлік білім беру ұйымдарына осы мәселе бойынша ұсыныстар жіберілгенін атап өтті.
