Төрт жоғарғы оқу орны мен 29 колледж жабылады
Қазіргі кезде толығымен 15 жоғары оқу орны және 31 колледж жабылды. Тағы 4 жоғары оқу орны және 29 колледж жабылу сатысында. Бұл туралы білім және ғылым министрі Асхат Аймағамбетов үкімет отырысында айтты. "61 жоғары оқу орнының 500 бағыттары бойынша лицензиялары және 375 колледждің 2200 бағыттының лицензиялары қайтарып алынды. Тағы 15 жоғары оқу орны мен 47 колледждің бейініне сәйкес келмейтін лицензияларын қайтару бойынша жұмыс жүргізіліп жатыр", - деді ол. Мысалы педагогтерді даярлайтын жоғары оқу орындарының саны 86-дан 50-ге дейін азайса, заңгерлер – 72-ден 61-ге дейін кеміген.
