Іс-шараға зиялы қауым өкілдері, жинақ авторлары мен баспа ұжымы, студенттер және мектеп оқушылары қатысты.

Кітапты «Molia&DOS» ЖШС баспахана кешені құрастырған. Авторлары еліміздің әр саласында еңбек етіп, алды зейнетке шыққан кәсіп иелері.

Елге белгілі аға буын өкілдері Қызжібек Жарқынбаева, Әбдіғали Асанғожаұлы, Лұқпан Бегәлітегі, Ерған Мұхамедиұлы және орта буын өкілдері Әнуарбек Әуелбек, Ерсайын Жапақ, Айсұлу Рүстемова, Жәния Ералиева, Айжан Имантаева, Әуелбек Искаков, Еркін Нұрбай, Бақытгүл Мадиярова, Мағираш Тұрсынова, Әбдібек Әбдіманапұлы, Шаяхмет Қали, Бауыржан Шормақұлы, Бақыт Мерғазыұлы, Бекқожа Жылқыбекұлының өлеңдері жыр жинағына енген.

Сондай-ақ, жинақта қазақтың қара өлеңі де, модернистік поэзия да ақындардың көркемдік, стильдік шешімдеріне орай көрініс тапқан.

Тұсаукесер соңында қатысушылар мен Алматы қаласындағы орталықтандырылған 30 кітапхана ұжымы мен оқырмандарға кітап табыс етілді.