Елдегі автожолдардың 80% қалыпқа келтірілді
Ел автожолдарының 80 проценті қалыпқа келтірілді. Бұл туралы Индустрия және инфрақұрылымдық даму министрлігінің өкілдері хабарлап отыр. Ведомствоның ақпаратына сүйенсек, былтыр облыстар мен аудандар маңындағы 4 мың шақырым жол жөндеуден өтті. Сомасы 300 миллиард теңгеден асқан 349 жоба жүзеге асты. Соның арқасында 8 мың жаңа жұмыс орны ашылды.Қазір республика бойынша барлығы 2 мың 600 шақырым тасжол қолданысқа жарамды. Жаңадан салынғанының ұзындығы 19 шақырымды құраса, 220 шақырым жол күрделі жөндеуден өтті. Әсіресе, облыстар мен аудан орталықтарын байланыстарын жерлерге басымдық берілген. Мұндай аймақтар жергілікті атқарушы органдардың қарамағында болғандықтан, оларға жыл сайын бюджеттен қомақты қаражат бөлініп отыр. Жоспарға сәйкес 2025 жылға дейін 27 мың шақырым жолдың бойында жөндеу жүргізілмек.
