Сот бұзақылық фактісі бойынша медиативтік келісімді бекітті

Қазалы аудандық сотымен ҚР ҚК-нің 293-бабы 1-бөлігімен сотқа берілген Б.-ға қатысты қылмыстық іс қаралды.

Сотталушы Б. қоғамдық тәртіпті, қоғамды құрметтемеу анық көрінетін азаматтарға күш қолдану мақсатында, жәбірленуші Г.-ға себепсіз тиісіп, оны бірнеше рет теуіп, шашынан тартып, соңғының денсаулығына «жеңіл» дәрежелі зиян келтірген.

Сот мәжілісінде жәбірленуші дауды медиация тәртібімен реттеу туралы келісім жасалуына байланысты істі қысқартуды сұрады.

Сот, анықталған мән-жайды зерттеп, айыпталушыға қатысты қылмыстық іс бойынша тараптардың медиация тәртібімен татуласуға қол жеткізгені туралы келісім түсуіне байланысты істі қысқартты.

Қаулы заңды күшіне енген жоқ.