Қазалы Qazaly.kz ақпараттық агенттігі
» » Ғұламалар кеңесі құрылды

Ғұламалар кеңесі құрылды

Азиядағы өзара іс-қимыл және сенім шаралары кеңесінің Ғұламалар кеңесі құрылды. Мұндай шешім Сыртқы істер министрлерінің 6-кездесуінде мәлім болды.
Өздеріңізге мәлім, Елбасы Нұрсұлтан Назарбаев 1992 жылы Біріккен Ұлттар Ұйымы Бас ассамблеясының 47-сессиясында Азиядағы өзара іс-қимыл және сенім шаралары кеңесін құру туралы бастамасы болатын. АӨСШК - еліміздің Халықаралық бастамаларының бірі. Қазақстан төрағалығы кеңестің процесін одан әрі әлемдік аренада нығайтып, бар күш жігерін салатын болады, - дейді Азиядағы өзара іс-қимыл және сенім шаралары кеңесі хатшылығының атқарушы директоры Қайрат Сарыбай.
Сыртқы істер министрінің орынбасары Ақан Рахметуллиннің айтуынша, сейсенбіде елдер кеңес жанындағы консультативтік-кеңесші орган – Ғұламалар кеңесі туралы ережені қабылдауға тиіс.
Қатысушы елдер ғұламалар кеңесін құруды қолдады және үміткерлерді ұсына бастады. Бүгін біз ғұламалар кеңесі туралы ереже бекітеміз. Таңертең бізбен кездесу барысында Президент Қасым-Жомарт Тоқаев Азиядағы өзара іс-қимыл және сенім шаралары жөніндегі кеңес құрылтайшысы Нұрсұлтан Назарбаевты ғұламалар кеңесінің басшысы қызметіне ұсынды. Сіздер бұл кандидатураны бекітесіздер деп үміттенемін, - деді Сыртқы істер министрінің орынбасары Ақан Рахметуллин.
12 қазан 2021 ж. 441 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031