Еліміздің үш өңірінде індет жұқтыру деңгейі бірден төмендеген
Бұл туралы ҚР Президенті жанындағы Орталық коммуникациялар қызметінің алаңында өткен баспасөз мәжілісі барысында Денсаулық сақтау министрі Алексей Цой хабарлады.Оның айтуынша, елдегі эпидемиологиялық жағдай тұрақты.
Еліміздегі 6 қазандағы жағдай бойынша, CОVID-19-дың оң нәтижесімен 896 162 және КВИ-ға теріс нәтижемен 76 517 жағдай тіркелді. Коронавирусқа шалдыққан науқастардың шамамен 92%-ы сауығып шықты. Оның ішінде атап айтар болсақ, КВИ оң нәтижемен - 835 805 науқас және КВИ теріс нәтижемен - 63 902 науқас, - деп атап өтті Денсаулық сақтау министрі.
Сондай-ақ эпидемиологиялық жағдай матрицасына сәйкес, елдің 4 өңірі «қызыл» аймақта.
Қазақстан Республикасы және 8 өңір «қызыл» аймақтан тәуекелі орташа аймаққа көшті. Тәуекелі орташа аймақтан «жасыл» аймаққа 3 өңір: Жамбыл, Маңғыстау және Қызылорда облыстары ауысты, - деді Алексей Цой.
#жұқпалы індет # коронавирус
