Қазақстанның басым бөлігінде ауа райы құбылмалы болады

Бүгін атмосфералық фронттардың өтуіне байланысты Қазақстанның басым бөлігінде ауа райы құбылмалы болады. Жаңбыр, қар жауып, Батыс Қазақстанда және еліміздің оңтүстік-батысында күн ашық болады. Республиканың кей жерлерінде жел күшейіп, тұман, көктайғақ болады, деп хабарлайды Baq.kz ақпарат агенттігі ҚР ІІМ ТЖК баспасөз қызметіне сілтеме жасап.

Ақмола облысының кей жерлерінде тұман, көктайғақ болып, желдің жылдамдығы 15-20 м/с-ға жетеді. Қостанай облысының кей жерлерінде желдің жылдамдығы 15-20 м/с болып, түнде тұман, көктайғақ күтіледі.

Солтүстік Қазақстан облысының кей жерлерінде тұман, көктайғақ болып, желдің жылдамдығы 15-20 м/с-ға жетеді. Шығыс Қазақстан облысының кей жерлерінде тұман, желдің жылдамдығы 15-20 м/с болып, түнде көктайғақ күтіледі.

Жамбыл, Оңтүстік Қазақстан облыстарының кей жерлерде найзағай ойнап, желдің жылдамдығы 15-20 м/с-ға жетеді. Алматы, Қызылорда, Маңғыстау, Батыс Қазақстан, Ақтөбе, Қарағанды, Атырау, Павлодар облыстарының кей жерлерде тұман түсіп, Алматы облысының кей жерлерінде түнде желдің жылдамдығы 15-20 м/с-ға жетеді.