Кибербуллинг заңмен қудаланады
Қазақстанның Ақпарат және қоғамдық даму министрі Аида Балаева интернеттегі кибербуллинг проблемасына тоқталып өтті, деп хабарлайды Stan.kz ақпарат агенттігі.XVII "Еуразиялық Медиа форумда" ведомство басшысы министрліктің аталған мәселе бойынша жүргізіліп жатқан жұмыстарына тоқталды.“Интернеттің белсенді дамуымен әлем кибербуллинг проблемасына тап болды. Кибербуллинг – бұл заңмен тоқтатылуы керек агрессияның бір түрі. Министрлік бұл бағытта жоспарлы жұмыстар жүргізіп жатыр. Біз әлеуметтік желілердің ішкі ережелерін құрметтейміз. Адамның ар-намысы мен қадір-қасиетіне зиян келтіретін заңсыз контент қолжетімді болмауы тиіс деп санаймыз. БҰҰ қарарымен қабылданған адам құқықтарының жалпыға бірдей декларациясының кіріспесі дәл осы құндылықтардан басталады, – деді министр.
Жақында Мәжілісте балалар құқығын қорғайтын жаңа заң жобасы қарастырылып жатыр. Ол бойынша шетелдік желідер мен мессенджерлердің жұмысына шектеу қойылмақ.
Депутаттар әлеуметтік желі жұмысының нақты ережелерін белгілеуді ұсынды.15 қыркүйекте құжат бірінші оқылымда мақұлданды.
