Инклюзивті білім сұранысқа ие

Сенат депутаты Динар Нөкетаева ерекше балаларға арналған сауықтыру және білім мекемелеріне қатысты проблемаларды депутаттық сауалында атап өтті. Сенатор қазіргі таңда инклюзивті білім сұранысқа ие деп санайды. Бұл туралы Bugin.kz платформасы хабарлайды.
 «Тірек-қимыл аппараты бұзылған балалар үшін кедергісіз орта жоқ, дефектологтардың, логопедтің, сенсорлық бөлменің және Емдік дене шынықтыру кабинетінің мамандандырылған сыныптары, спорттық іс-шараларды сапалы өткізу үшін спорт кешені жоқ. Медициналық кешенге мамандардың кабинеттері қажет, ескі үлгідегі акт залы балалардың мәдени тәрбиесіне сәйкес келмейді»,- деді сенат депутаты Динар Нөкетаева.