Астанада 25 наурызда қатты жаңбыр жаууы мүмкін, деп хабарлайды Baq.kz ақпарат агенттігі қалалық ТЖД-ға сілтеме жасап.

«Қазгидромет» РМК таратқан мәліметтерге қарағанда, 25 наурызда жауын жауып, сондай-ақ көктайғақ болады, тұман түсіп, дауыл соғуы ықтимал», - делінген хабарламада.

   Бұдан бөлек, ҚР ІІМ ТЖК ақпараты бойынша, 25 наурыз күні күндіз Ақмола облысының кей жерлерінде қатты жауын-шашын болжанады.

«25 наурыз күні кей жерлерде көктайғақ болып, боран соғады, тұман болады. Жылдамдығы 15-20 м/с болатын оңтүстік-батыс желі солтүстік-шығысқа ауысады. Дауылдың ықтималдығы 90-95%», - делінген Комитеттің ресми сайтында жарияланған ескертуде.

Естеріңізде болса, бүгін де еліміздің бірқатар облысында желдің жылдамдығы артатыны туралы хабарлаған болатынбыз.