Аудан әкімдерін сайлау 2024 жылы өтеді

Қазақстан Президенті Қасым-Жомарт Тоқаев 2024 жылы аудан әкімдерінің сайлауы өтетінін айтты, деп хабарлайды Azattyq Rýhy.

Мемлекет басшысы Қазақстан халқына Жолдауында ауыл әкімдерінің тікелей сайлауын енгізу маңызды қадам болғанын мәлімдеді.
«Бұл - менің өткен жылғы Жолдауымда ұсынған саяси реформа. Бұл шешім ауыл тұрғындарының, яғни қазақстандықтардың 40 пайыздан астамының мүдделерін тікелей қозғайды. Біз дұрыс жолдамыз. 2024 жылдың өзінде азаматтар, ең болмағанда, пилоттық режимде аудан әкімдерін сайлауға мүмкіндік алады», - деді Тоқаев.

2021 жылғы мамырда Президент «Қазақстандағы сайлау туралы» Конституциялық заңға әкімдер сайлауын енгізуді және барлық кандидаттарға қарсы дауыс беруді көздейтін түзетулерге қол қойды.
Қасым-Жомарт Тоқаев сайлау аудан әкімдері Жолдау 2021