Kundelik.kz жүйесіне 13 мыңнан астам бейнесабақ орнатылды
Білім және ғылым вице-министрі Шолпан Каринова мектептер оқу үдерісіне қажетті ақпараттық жүйелерге толық қосылғанын мәлімдеді, деп хабарлайды inbusiness.kz.«1-11 сыныптарға арналған 13 мыңнан астам бейнесабақ Kundelik.kz жүйесіне және интернет-ресурстарға орналастырылды. Барлық өңірлерге қажетті оқулықтар мен оқу-әдістемелік кешен жеткізілді», – деді Шолпан Каринова. Сөз арасында вице-министр мектептердегі жөндеу жұмысын тілге тиек етті. «Биыл 264 мектеп күрделі жөндеуден өтті», – деді ол.
