Желіде "балабақша мен мектептерде улы газ шашады" деген ақпарат тарай бастады
Telegram желісінде қараша айында балалар жаппай ауыра бастайды, оған мектептер мен балабақшаларда азот оксиді мен бериллий шашу себеп болады деген ақпарат талқылануда, деп хабарлайды zakon.kz.Бұл ата-аналарды балаларды КВИ-ге қарсы егуге мәжбүрлеу үшін жасалуы ықтимал деген де долбар келтіріледі.
Бұл - өтірік. Бұл ақпаратты санитарлық-эпидемиологиялық бақылау комитеті жоққа шығарды, деп хабарлайды stopfake.kz.
Бұл - фейк ақпарат. Қазіргі уақытта мектептерде КВИ таратпау бойынша барлық шаралар қабылданды, 379 540 педагог пен мектеп қызметкерлері вакцинацияланды. Бұл барлық орта білім беру қызметкерлерінің 96%-ы. Оқушылар арасында КВИ таралуына жол бермеу бойынша шаралар алгоритмі әзірленді, – деп хабарлады санитарлық-эпидемиологиялық бақылау комитетінің ресми өкілі Ержан Байтанаев.
Сондай-ақ ол көрінеу жалған ақпарат таратушылар ҚР ҚК 274-бабы бойынша қылмыстық жауапқа тартылатынын еске салды. Яғни, бұл бап бойынша 3 мың АЕК-ке дейінгі айыппұл түріндегі жауапкершілік, 800 сағатқа дейінгі мерзімге қоғамдық жұмыстарға тарту, 3 жылға дейінгі мерзімге бас бостандығын шектеу немесе сол мерзімге бас бостандығынан айыру қарастырылған.
Азот оксидін көзге көрсінбейтіндей шашу мүмкін емес екенін айта кеткеніміз жөн. Азот оксиді – өткір иісі бар қызыл-қоңыр, кейде қызғылт сары газ. Оны байқамау мүмкін емес, - дейді сарапшылар.
