Қазақстанда «Тауарлардың ұлттық каталогы» құрылады
Жобаны Сауда және интеграция министрлігі «Қазақтелеком» компаниясымен бірлесіп құрғалы отыр, деп хабарлайды inbusiness.kz порталы.Жобаның мақсаты – нарыққа қатысушылар үшін тауардың цифрлық паспортын ұсыну. Сауда және интеграция вице-министрі Әсел Жанасованың айтуынша, 2021 жылғы 1 қазаннан бастап кодтау бойынша пилоттық жобаны өткізу үшін әдістемелік ұсынымдар бекітілген. Сондай-ақ интерфейс макеті әзірленген. «Каталогта медиа контент, салмақ-көлем және басқа да тұтыну сипаттамалары бар тауарлардың цифрлық көшірмелері қамтылады. Ал 2021 жылдың соңына дейін каталогта 30 000 тауар түрі қолжетімді болады»,– дейді ол.
