Екпе салдырмаған студенттер онлайн режимде оқиды
Қазақстандық жоғары оқу орындарының оқытушылары, қызметкерлері мен студенттері (18 жастан жоғары) коронавирусқа қарсы вакцинациялануы тиіс. Бұл туралы Orda.kz Денсаулық сақтау министрлігіне сілтеме жасап хабарлады.Жоғарғы оқу орындарына тек Ashyq қосымшасы арқылы кіруге болады.
– Университеттер мен колледждердің дәстүрлі білім беру форматына көшуімен, (…) вакцинацияланбаған студенттерді онлайн білім беруге көшіруді қамтамасыз ету қажет, – деп хабарлады Денсаулық сақтау министрлігі.
Білім беру мекемелеріне, кітапханаларға және жатақханаларға кірер кезде Ashyq қосымшасын қолдану қажет.
Бұған дейін Ashyq барлық мектептерде орнатылатыны белгілі болды. Онымен мұғалімдер, қызметкерлер мен оқушылардың ата-аналары қолдануы керек.
1 қыркүйектен бастап Қазақстандағы оқушылар мен студенттер дәстүрлі оқу форматына оралады. Бірақ барлығы аймақтың эпидемиологиялық жағдайына байланысты.
