Қазалыда "Мерейлі" отбасы байқауының үздіктері анықталды
Қазалыда «Мерейлі отбасы» Ұлттық байқауының аудандық іріктеу кезеңі өтіп, үздіктері анықталды. Іріктеу кезеңінің қорытындысы бойынша бас жүлдені жеңіп алған Мырзағұловтар отбасы мен бірінші орын иегері Ібайдуллаевтар отбасы Қызылорда қаласында өтетін облыстық байқауға қатысуға жолдама алды.Бүгін аудан әкімінің орынбасары Жалғас Сүйеубаев «Мерейлі отбасы» Ұлттық байқауының аудандық іріктеу кезеңінде жеңіске жеткен отбасыларды қабылдап, жеңімпаздарды түрлі номинациялармен және аудан әкімінің «Алғыс хатымен» марапаттады.
Айта кетейік, өнегелі құндылықтарды жаңғыртуға және отбасы мәртебесін арттыруға бағытталған «Мерейлі отбасы» ұлттық конкурсы жыл сайын ұйымдастырылып отырады.
Биылғы жылы Қазалы ауданы бойынша байқауға 29 отбасы өтінім беріп, комиссия отырысында қаралды.
"ҚАЗАЛЫ" ақпарат
