Тоқаев екі жыл ішінде алғаш рет демалысқа шығады
Тек бір-ақ рет - 2019 жылдың шілдесінде, онда да үш күнге қысқа мерзімді демалыс алған екен. Қазақстан президенті Қасым-Жомарт Тоқаев еңбек демалысын шілде айының ортасына жоспарлап отыр, деп хабарлайды zakon.kz.Бұл туралы Президенттің баспасөз хатшысы Берік Уәли Sputnik Қазақстанның ресми сауалына берген жауабында айтты.
Шілденің ортасында Мемлекет басшысы бір апта демалыс алып, ол уақытын Қазақстан аумағында өткізуді жоспарлап отыр. Өздеріңіз білетіндей, былтыр коронавирус пандемиясының кесірінен Қасым-Жомарт Кемелұлы демалысқа шықпады. Қазақстан Республикасының Президенті қызметіне кіріскеннен бергі екі жыл үш ай ішінде Қасым-Жомарт Тоқаев тек бір-ақ рет - 2019 жылдың шілдесінде, онда да үш күнге қысқа мерзімді демалыс алғанын еске сала кеткім келеді, - деді Берік Уәли.
