Полиция туған сәбиін зиратта тастап кеткен ананы іздестіруде
Орал қаласының полициясы аталған дерек негізінде ҚР Қылмыстық кодексінің 100-бабы (Жаңа туған сәбиді анасының өлтіруі) бойынша қылмыстық іс қозғады. БҚО ІІМ баспасөз қызметінің хабарлауынша, ішкі істер органдары сәбидің анасын анықтау бағытында жедел іздестіру жұмыстарын жүргізуде.
Естеріңізге сала кетейік, 5 наурыз күні сағат 19:00 шамасында Селекционный ауылындағы зираттың маңынан оқушылар жамылғыға оралған жаңа туған нәрестенің денесін тауып алған. Олар кейін оқиға орнына полиция қызметкерлерін шақыртқан.
Baq.kz
