Тегін ем алмаған науқастан шағым түссе, сақтандыру қоры осындай жаза қарастырады. Одан кейін іс денсаулық басқармасына, артынша министрлікке жолданады. Ведомство өз алдына бөлек әкімшілік жаза тағайындайды. Мәселен өткен жылы 50-ден астам Бас дәрігер қолжетімді медициналық көмек көрсетпегені үшін сөгіс алған. Ал күні кеше ғана алматылық маман коронавирус жұқтырған науқасқа тегін берілетін дәріні 160 мың теңгеге сатқан. Енді қор басшылығы мәселеге қатысты тексерісті бастамақ.