Диетолог сұлы ботқасының қаупін айтты
Америкалық диетолог Роксана Эсани сұлы ботқасының қаупін айтты, деп хабарлайды Stan.kz ақпарат агенттігі.
Сарапшының сөзінше, таңғы асқа жиі қолданылатын ботқа асқазан-ішек жолдарының ауруы бар адамдар үшін зиян болуы мүмкін. Ботқадағы өсімдік талшықтары ішек жолдарында газдардың жиналуына әсер етеді екен. Сондықтан маман сұлы ботқасының орнына күріш, ұнтақ немесе жүгері ботқасын тұтынған жөн дейді.
Диетолог сұлы ботқасы әрдайым пайдалы дегенді жоққа шығарды. Айтуынша, сүтпен араластырып дайындалған мұндай ботқа майлы болса, әл түрлі дәмдеуіштер мен қанттың қосылуы таңғы астың калориясы мен көмірсулар мөлшерін арттырады. Әсіресе, ол дүкендерде сатылатын сұлы ботқаларын көп тұтынбауға кеңес береді.
Маман ботқаны өсімдік майына араластырып жасаған дұрыс дейді. Бұған қоса, ол қант пен түрлі тәттілердің орнына жеміс-жидек пен жаңғақ түрлерін қосуды ұсынды.
