Алексей Цой QazVac вакцинасын салдырды

Бүгіннен бастап Қазақстанда QazVac екпесімен вакциналау басталды. Денсаулық сақтау министрі Алексей Цой алғашқылардың бірі болып тікелей эфирде отандық вакцина салдырды, деп хабарлайды Egemen.kz.

Денсаулық сақтау министрлігінің басшысы вакцинаны алғаннан кейін 30 минут дәрігерлердің бақылауында болды. Ол екінші дозаны 21 күннен кейін, 16 мамырда алады.
Естеріңізге сала кетейік, вакцина Қазақстанның биологиялық қауіпсіздік проблемалары ғылыми-зерттеу институтының базасында жасалды. Отандық вакцинаның алғашқы 50 мың дозасы өңірлерге жөнелтілді.