Дәрігер сарымсақтың қаупін атады
Сарымсақ - көптеген пайдалы қасиетіне қарамастан, өте агрессивті тағам. Бұл туралы диетолог Инна Заикина айтты, деп хабарлайды Stan.kz ақпарат агенттігі.
Маманның айтуынша, сарымсақтың көп мөлшерін, әсіресе аш қарынға жеуге болмайды. Бұл асқазан сөлінің белсенді секрециясын тудырады, шырышты қабыққа зиянды.
"Асқазан жарасы, панкреатит, гастроэзофагеальді рефлюкс ауруы, өт тас ауруы асқынған науқастарға көп мөлшерде сарымсақ жеуге болмайды, өйткені ол асқазан сөлі мен өт секрециясын ынталандырады. Бұл аурудың белгілерін нашарлатуы мүмкін", - деп ескертті Заикина.
Осы орайда гастроэнтеролог Лилия Узилевская сарымсақтың пайдасын атап өтті. Оның айтуынша, бұл өнімнің қысымды төмендетіп, жүрекке түсетін жүктемені азайтатын қасиеті бұрыннан белгілі. Бұл көкөніс "зиянды" холестеринді төмендетуі мүмкін
"Құрамында қатерлі ісік ауруының алдын алатын аллицин бар. Сарымсақ қан қысымын да төмендетеді, қан тамырларының жағдайын жақсартады - атеросклероздың алдын-алу, липидті профильді түзету. Бұл өсімдіктің антигельминтикалық қасиеті де белгілі", - деді гастроэнтеролог.
Жалғыз мәселе - тұтас сарымсақ құрамында аллицин жоқ. Зат өсімдік жасушаларына механикалық зақым келген кезде - қысым кезінде, сарымсақты кескеннен соң біраз уақыттан кейін пайда бола бастайды.
Сондықтан, осы өсімдіктен максималды пайда алу үшін сарымсақ бөліктерін ұсақтап, оны 10-15 минутқа қалдыру керек. Осы уақыт ішінде аллицин пайда болады.
Бұдан басқа сарымсақ құрамында фитонцидтер бар - өсімдіктер шығаратын ұшпа заттар. Олар бактериялар мен вирустардың, саңырауқұлақтардың өсуін тежейді.
