Дәстүрлі Білім күнін өткізу туралы әдістемелік ұсыныстар білім басқармасына және мектеп директорларына жіберілді. Бұл туралы Білім және ғылым министрі Асхат Аймағамбетов айтты. Оның айтуынша, мерекелік шаралардың екі форматы қарастырылған. «Кезекші сыныптардың» оқушылары үшін мұғалімдер кабинеттерде сынып сағаттарын өткізеді.

Ал кейбір оқушылар үшін «қашықтық» тиісінше, онлайн сабақ өтеді. «Әдеттегідей 1 қыркүйекте балалар мектепке келеді, салтанатты жалпы мектептік жиын болады, одан кейін балалар сынып сағаттарын өткізетен сыныптарға барады. Бұл жағдайда осы форматта жалпы мектепішілік жиынның қажеті жоқ. Әр сыныпта сынып сағаттары болады. Егер балалар күндізгі бөлімде оқитын болса, мұғалім балалармен сынып сағатын және барлық қажетті шараларды өткізеді.

Ал егер оқушылар қашықтықтан оқитын болса, онда 1 қыркүйекте сынып сағатын өткізу үшін мектепке келудің арнайы қажеттілігі жоқ. Олар үшін барлығы қашықтан ұйымдастырылады»,– деп жауап берді министр.