Малға арналған айып тұрағы ашылады
Қараусыз бос жүрген малды қамауға арналған айып тұрағы ашылады, – деп хабарлайды Полиция департаментінің баспасөз қызметі.Биыл 15 тамыздан бастап малды бағуға қатысты ереже күшіне енді. Бұл – мал ұрлығының алдын алуға қатысты жасалып отырған шара. Елімізде алғаш рет «бағусыз мал» атты заңды ұғым қолданысқа енгізілді. Бұдан былай қараусыз жүрген малдың иелері әкімшілік жауапкершілікке тартылмақ. Малды бос қоя бергендерге бұдан былай айыппұл қарастырылған. Мал иелері түлікті өздері бағуы керек, не болмаса бақташыға беруі тиіс.
