Карантин күшейтілді: Қазақстанда демалыс күндері қандай нысандар жұмыс істемейді
Демалыс күндері Қазақстанда карантиндік шектеулер күшейтіледі. 22 және 23 тамыз күндері қандай нысандар жұмыс істемейтіні белгілі болды, деп хабарлайды Stan.kz
Бас санитарлық дәрігер Айжан Есмағамбетованың бұйрығына сәйкес, 17 тамыздан бастап елімізде карантиндік шаралардың әлсірету жұмыстары біртіндеп жүргізіліп жатыр. Алайда, демалыс күндері қатаң карантин режимі сақталады.
Демалыс күндері бірқатар мекемелер қызметін қайтадан тоқтататын болады. Сонымен қатар, бірқатар қатаң шектеулер енгізілмек.
Қоғамдық көліктерге шектеу қойылады;
65 жастан асқан адамдар үшін көшеге шығуға болмайды;
Азық-түлік супермаркеттері мен олар орналасқан дәріханаларды қоспағанда, сауда үйлері, сауда желілері, сауда және ойын-сауық орталықтарының жұмысын уақытша тоқтатады;
- Covid-19 анықталған жағдайда сыныпта карантин жарияланады: Қазақстанда мектептерге қойылатын санитарлық талаптар бекітілді
- Карантиннен кейін де жұмыс істеуіне шектеу қойылған қазақстандықтар 42500 теңге ала ма: Министрлік жауап берді
Сұлулық салондары, шаштараздар, спа-орталықтардың, косметикалық қызмет көрсететін объектілердің жұмысын тоқтата тұру;
Фитнес орталықтары мен спорттық-сауықтыру орталықтарының жұмысын тоқтата тұру;
Қоғамдық моншалар мен сауналар қызметін тоқтатады;
Нұр-Сұлтанның бас санитарлық дәрігерінің шешімімен демалыс күндері тамақтандыру орындарының жұмысы шектелетін болады. Егер жұмыс күндері кафе мен мейрамханаға 30 келушіге арналған ішкі бөлмелерді ашуға рұқсат етілсе, демалыста нысандар тек жазғы террассалармен шектелуге мәжбүр болады. Сондай-ақ, демалыс күндері оларға азық-түлік жеткізуге рұқсат етілді, бірақ өздігінен алып кетуге тыйым салынды.
Демалыс күндері Алматы тұрғындарына Медеу, Алма-Арасан және басқа ұлттық парктерге баруға тыйым салынады.
Еске сала кетейік, 17 тамызда Қазақстанда карантин шаралары жеңілдетілген болатын.
