Қазалы Qazaly.kz ақпараттық агенттігі
» » 15 мың теңге: өтініш қабылдау жалғасып жатыр

15 мың теңге: өтініш қабылдау жалғасып жатыр

Қызылордада коммуналдық қызмет үшін берілетін төлем бойынша өтініш маусым айының соңына дейін қабылданады. Өңірлік коммуникациялар қызметі ұйымдастырған брифингте облыстық энергетика және тұрғын үй-коммуналдық шаруашылық басқармасы басшысының міндетін атқарушы Ерлан Жоламанов 15 мыңге кімдерге тиесілі екенін айтты.

«Өңірде 123 мың тұрғын аталған көмекті алуға құқылы.
Олар:
– І, І, ІІІ санаттағы мүгедектер – 27,2 мың;
– Ұлы Отан соғысының мүгедектері мен қатысушылары және теңестірілгендер – 1,5 мың;
– мүгедек балаларды тәрбиелеушi отбасылар – 5,4 мың;
– көпбалалы отбасылар – 43,3 мың;
– ең төмен және аз зейнетақы алатын зейнеткерлер – 37,5 мың;
– атаулы әлеуметтік көмек алушылар – 8,3 мың;
– мемлекеттiк немесе қоғамдық мiндеттерiн, әскери қызметiн орындау кезiнде қаза тапқан адамдардың отбасылары – 168.
Коммуналдық төлем жеке есеп шотқа қаржылай түспейді. Бірден коммуналдық қызмет көрсетуші мекемелердің есепшотына аударылады», – деді ол.
Тұтынушы жеке сәйкестендіру нөмірін, әлеуметтік мәртебесін және есепшот дерегін көрсете отырып, жергілікті атқарушы орган белгілеген call орталығы арқылы өтініш береді.

Өтініш келесі call-орталықтары арқылы қабылданады:

– Қызылорда қаласы: 400-700 телефон нөмірі немесе www.15.epd.kz сайты арқылы;
– Арал ауданы бойынша : 2-22-24;
– Қазалы ауданы бойынша : 7-91-35;
– Қармақшы ауданы бойынша : 2-27-62;
– Шиелі ауданы бойынша: 4-32-66;
– Жаңақорған ауданы бойынша: 2-10-17;
– Сырдария ауданы бойынша : 2-20-01;
– Жалағаш ауданы : 2-32-232, 31-101 нөмірі арқылы.

Коммуналдық қызмет төлемі туралы түбіртекте сома 15 мыңнан кем болса, төлем келесі мерзімге шегеріледі. Коммуналдық қызметтің бір бөлігін өтегені бойынша төлем түбіртекте көрсетіледі.
syrboyi.kz
04 маусым 2020 ж. 661 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031