Әйтеке би кентіндегі "Қарамай көлдің" аумағы тазаланды
Әйтеке би кентінің 5 квартал аймағында жергілікті тұрғындар «Қарамай көл» атап кеткен жер бар. Жыл сайын көктем келіп, күн жылынысымен бұл аумақ қоқысқа толып қалады.Бүгін аталған аумаққа аудандық жер қатынастары бөлімі, теміржол ауруханасы және «ТЭК Батыс» ЖШС тазалық жұмыстарын жүргізді. Мекеме қызметкерлері оңды-солды шашылған қоқыстарды жинап, айналаны ретке келтірді. «Арал Отын» ЖШС-ның арнайы техникасымен үйілген тұрмыстық қалдықтар жинастырылды.
Сондай-ақ, бүгін аудан әкімінің орынбасары Ғалымжан Еркебайдың басшылығымен Әйтеке би кентіндегі 5 квартал аймағына тазалық жұмыстары жүргізілді.
Тазалық акциясына аудандық тұрғын үй коммуналдық шаруашылығы, жолаушылар көлігі және автомобиль жолдары бөлімі мен аудандық құрылыс, сәулет және қала құрылысы бөлімі және «Қазалы Тұлпар» ЖШС, «Қазалы су сервис» ЖШС, «Нұрас и К» ЖШС, №165, №276 мектеп пен Қазалы көлік-техникалық колледжі, Қазалы вагон пайдалану депосы мен Қазалы вагон жөндеу депосының қызметкерлері бірауыздан қатысып, көшелер мен қазақ қорымының айналасын қоқыстан арылтты.
"Қазалы" ақпарат
