Сырдария өзеніндегі су деңгейі бақылауда тұр
Әлеуметтік желіде тұрғындар «Сырдария өзенінің Қазалы ауданындағы тұсында су тасу қаупі бар» деген ақпарат таратып, екіұдай пікір қалыптастыруда. Алайда бұл ақпарат ешқандай шындыққа жанаспайды.Қазіргі таңда Қазалы ауданында дариядағы су жағдайы 6 жерден (Майлыбас, Басықара, Абай, Қарлаң, Бірлік, Әлсейт) бақылауға алынған және Басықара су торабынан судың көлемі өлшеніп, анықталып отыр.
Бүгінгі күні жоғарғы жақтан Ә.Тыныбаев атындағы Қазалы су торабына 91 м3/с су келіп, оның 11 м3/с аудандағы каналдарға алынуда. Бұл келіп тұрған судың көлемі өткен жылмен салыстырғанда аз.
«Қазгидромет» ШЖҚ РМК мәліметі бойынша ағымдағы жылдың 7-20 наурыз аралығында Сырдария өзенінде сең жүруі мүмкін.
Дария бойына жақын орналасқан малшыларға округ әкімдері тарапынан ескерту парақшалары таратылған.
Қазіргі уақытта елді мекендерге су тасу қаупі жоқ.
