Қоғамдық мәселелерге ұйытқы болатын жалғыз сөз зергерлері деуге де болады. Журналисттің ерекшелігі - оның позициясы мен өмірге деген көзқарасына байланысты. Онсыз қадір-қасиетінің құны бір тиынмен тең. Сонымен қатар, ойын жеткізуі, халыққа қарай таратуыда бөлек ескерілмей қоймайды сол себепті, журналист кез келген салада өз білімін жетілдіруі керек. Ал ол үшін көп еңбектеніп, көп оқу маңызды болып табылады. Тіл байлығы мол журналисттер қауымы - кез келген жағдайдан жол тауып, өміріне сеніммен қарай алады. Әр қандай жұмыс орны болмасын, тәжірибелі сөз майталманына жол қашан да ашық болмақ. Қоғамдық сананы алға жылжытатын күш-журналистер екендігіне ешкімнің де күмәні жоқ. Өйткені, қандай да бір жаңалық солардан бастау алып тарайды.

Кейбіреулерде жалған пікір туындауы мүмкін: "кез келген адам журналист бола алады"деген. Алайда, мұның мүмкін емес екендігіне оңай көз жеткізуге болады. Журналист болу-үлкен шеберлік пен даналықты қажет етеді. Үнемі шындықты ғана айту да жауапкершіліктің жоғары деңгейде екендігін дәлелдеп береді. Сонымен бірге, қандай да бір дерекке сүйенбес бұрын, оны толықтай зертеуден өткізіп барып,халық назарына ұсынады. Басқалардан басты ерекшелігі де осында.