Жоғарғы жүлде жеңімпазы
Ақмола облысының Щучинск қаласында Қазақстан Республикасы білім және ғылым министрлігі «Дарын» республикалық ғылыми практикалық орталығының ұйымдастыруымен «Зерде» ХV республикалық байқауы өткізілді. Онда елдің түкпір-түкпіріндегі 1-7 сынып оқушыларының зерттеу жобалары мен шығармашылық жұмыстары сарапқа салынды.Бұл додаға Қазалы қаласындағы Қ.Нұрмаханов атындағы №95 орта мектептің 7 сынып оқушысы Сайфулла Рамазан «Мобильді қосымша жасау» тақырыбындағы жобасымен қатысты. Бұған дейін аудандық, облыстық кезеңде бірінші орын иеленген таланатты шәкірт байқаудың гран-при жүлдесін иеленді. Сайфулланың жоғарғы жетістікке жетуіне жетекшісі, информатика пәнінің мұғалімі Қайрат Баймахановтың айрықша еңбек сіңіргенін атап өткен орынды.
Дамира АҚҚОЯНОВА,
№95 мектептің психологі
