Қазалы Qazaly.kz ақпараттық агенттігі
» » Қазалыда жол инфрақұрылымы жақсарып келеді

Қазалыда жол инфрақұрылымы жақсарып келеді

Биыл Қазалы ауданында барлығы 562,0 млн. теңгеге жол жөндеу жұмыстары жүргізілді. Ал келер жылы жалпы құны 5 млрд. 643 млн. теңгеге ұзындығы 141 шақырым болатын аудандық маңыздағы автомобиль жолдары мен елдімекен ішілік көшелер орташа және күрделі жөндеуден өтпек. Олар: «Қазалы-Қожабақы-Бозкөл-Кәукей», «Өркендеу елді мекеніне кіре беріс-Жанкент, «Қожабақы-Бекарыстан би», «Басықара-Абай-Өркендеу» аудандық маңыздағы автомобиль жолдары мен Әйтеке би кентінің 68 шақырым болатын 55 көшесін жөндеу жұмыстары.
Сонымен қатар, Әйтеке би кенті мен Қазалы қаласы аралығындағы автомобиль жолын қайта жаңғыртуға жоба-сметалық құжаттарын әзірлеп, мемлекеттік сараптамадан өткізу үшін облыстық бюджеттен 16,8 млн. теңге бөлінеді деп жоспарланып отыр.
Осы автомобиль жолдары бойындағы көпірлерді жөндеу жұмыстары да назардан тыс қалған жоқ.Көптен бері өңірде шешімін күтіп келген маңызды сұрақтың бірі көпір мәселесі оң шешімін тапқанын жақсы білесіздер. Өткен айда «Әлсейіт» өткеліндегі темірбетон көпірінің құрылысы басталды. Көпірдің жалпы сметалық құны – 2 млрд. 791,346 млн. теңге. Биыл оның құрылысын бастауға республикалық, облыстық бюджеттерден 550,0 млн теңге бөлінді. Дарияның арғы бетіндегі 15 мың халық келер жылдан бастап төте жол арқылы аудан орталығына қатынайтын болады.
Сондай-ақ, жақында ғана «Бозкөл-Тасарық» аудандық маңыздағы автомобиль жолының 22 шақырымындағы темір-бетон көпірінің құрылысы аяқталды.
Ал «Қожабақы-Бекарыстан би» аудандық маңыздағы автомобиль жолының 25 шақырымындағы темірбетон көпірін қайта жаңғырту мәселесі де көп ұзамай шешілетін болады.
05 желтоқсан 2017 ж. 2 577 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031