Мекенжай туралы мәліметтерді қалай, қайдан көруге болады? Тұрғылықты мекенжай жөніндегі мағлұматты egov.kz электронды үкімет порталы мен eGov mobile қосымшасындағы жеке кабинет арқылы тексеруге болады. Мемлекеттік органдар мен өзге заңды тұлғалар бұл мәліметті қайдан алады? Мемлекеттік органдар мекенжай деректерін ішкі істер министрлігінің деректер базасымен интеграцияланған ақпараттық жүйелер арқылы алатын болады.

Бұл қағазбастылықты жою мен мемлекеттік қызметтерді алу уақытын қысқарту үшін жасалып отыр. Басқа ұйымдар, соның ішінде жеке компаниялар egov.kz электрондық үкімет порталындағы үшінші тұлғаларға анықтама беруге мүмкіндік беретін сервисті пайдалана алады. Бұл тек азамат бір рет ақпарат алуға рұқсат беретін SMS-ке келісім бергенде ғана жүзеге асатын операция.