Қазақстандықтардың еуроға қызығушылығы 1,5 есеге өсті
Еуро нетто-сату көлемінің жылдық өсімі ҚР-ның барлық аймақтарында тіркелді. Ең үлкен көлем Алматыға тиесілі: 121,2 млрд теңге, жыл ішінде 47,5%-ға өсті. Екінші орында — Нұр-Сұлтан: 33,6 млрд теңге — 2018 жылдың қаңтар-тамызына қарағанда 15,2%-ға артық. Қарағанды облысы үшінші орынды иеленді: 16,3 млрд теңге, бір жылдағы өсім — 57,2%. Алматы облысында (2,5 есе, 1,6 млрд теңгеге дейін), сондай-ақ Павлодар облысында (2,4 есе, 7,9 млрд теңгеге дейін) және СҚО-да (2,3 есе, 2,8 млрд теңгеге дейін) евроға деген қызығушылықтың ең жоғары жылдық өсімі байқалды. ШҚО-да еуроны нетто-сату көлемі 2 есеге өсті — 6,3 млрд теңгеге дейін.
Тамызда айырбастау пункттерінде еуроның нетто-сатылымының ең төменгі көлемінің бірі байқалды: 25,1 млрд теңге (қаңтарда — 14,9 млрд теңге болған), 2019 жылдың шілде айымен салыстырғанда 43%-ға және 2018 жылдың тамызымен салыстырғанда 2,9%-ға кем.
Бұл ретте еуроның ресми орташа бағамы тамыз айында орташа 430,39 теңгені құрады — өткен жылдың тамызына қарағанда 4,6%-ға артық, бірақ шілде айына қарағанда 0,1%-ға кем.
Ресми бағам тамыз айының соңында 1 еуро үшін 430,36 теңгені құрады — шілде айының соңына қарағанда 0,4%-ға және 2018 жылдың тамыз айымен салыстырғанда 2,6%-ға жоғары.
Еуроның ресми айырбас бағамы қыркүйекте орташа 426,33 теңгені, қыркүйектің соңында 423,49 теңгені құрады.
ҚР аймақтары арасында еуро сату көлемі бойынша 2019 жылдың тамыз айында мегаполистер көш бастады: Алматы — 12,2 млрд теңге, шілде айына қарағанда 37,7%-ға кем; Нұр-Сұлтан — 3,8 млрд теңге, 56,7%-ға кем; Шымкент — 1,9 млрд теңге, 42,7%-ға кем.
Тамыз айында еуроны нетто-сатудың оң көлемі ҚР-ның барлық өңірлерінде байқалды. Ай сайынғы өсім байқалған жалғыз аймақ — БҚО: 6,7%-ға, 700,8 млн теңгеге дейін.
