«Дәрігерлер мәртебесі туралы» заң жобасы әзірге болмайды. Оның себебі - біз қазіргі уақытта денсаулық сақтау бойынша арнайы кодекс әзірлеп, Парламентке тапсырып жатырмыз. Кодекстің деңгейі заңға қарағанда жоғары болады. Сонымен, дәрігерлердің және медициналық қызметкерлердің мәртебе бойынша ұсыныстары жаңа кодекс жобасына енгізілді. Кодекс жобасын талқылау барысында соңғы жағдайлар көтерілген. Дәрігерлерден, қоғамдық ұйымдардан ұсыныстар келіп жатыр. Ол да түсінікті. Парламенттің ішінде бұл мәселені талқылаймыз», - деді ол Үкіметтің баспасөз орталығында. Елжан Біртановтың айтуынша, өткен аптада Үкімет қажетті қаулыны қабылдаған. «Кодекстің жобасы бүгін Парламентке өткізіледі. Келесі аптадан парламенттік жұмыс басталады», - деп түйді министр.