Бюджет қаржысының басым бөлігі әлеуметтік салаға арналған
Бұл туралы Өңірлік коммуникациялар қызметінде өткен баспасөз конференциясында облыстық экономика және бюджеттік жоспарлау басқармасының басшысы Сәуле Құлымбетова мәлімдеді.Өткен жылы облыс бюджеті 240 млрд. теңгені құрады. Бұл бекітілген қаржы көлемімен салыстырғанда 15 млрд. теңгеге артық. Аймақ тайқазанындағы қаражаттың басым бөлігі әлеуметтік салаға бөлінген. Денсаулық сақтау, білім және әлеуметтік салалардың дамуына қаржы бөлуді жалғастырамыз,-деді Сәуле Ибрагимқызы.
Сонымен қатар, мемлекеттік сатып алу бойынша 2017 жылы жалпы 74 млрд. 533 млн. теңгенің 2137 конкурсы мен аукционы өткізілді. Бұл көрсеткіш өткен жылдармен салыстырғанда 394 бірлікке өскен. Ал, үнемделген қаржы 2 млрд. 947 млн. теңгеден 5 млрд. 457 млн. теңгеге көбейді,-деді облыстық мемлекеттік сатып алу басқармасының басшысы Жанзира Ерсейітова.
