Қазақстанда азық-түлік түрлерінің қымбаттауы аса жаңалық емес. Бұл жолы пияз бағасының өсуі мүмкін екені айтылды, деп хабарлайды Экспресс К.
Сауда және интеграция министрі Серік Жұманғарин сыртқы сауда саясаты және халықаралық экономикалық ұйымдарға қатысу жөніндегі ведомствоаралық комиссияның отырысын өткізген. Сол жерде осы әңгіме айтылды.

Жиынға қатысушылар сыртқы нарықта пиязға сұраныстың артуы факторларын, көкөніс қоймаларының көкөністің осы түрін сақтау мүмкіндіктерін, сондай-ақ көрші елдерде ерте өнім жинау болжамын қарастырды, — делінген министрліктің хабарламасында.

Жиын соңында ауыл шаруашылығы министрлігі мен әкімдіктерге халықтың сұранысын толық қанағаттандыру және бағаны ұстап тұру үшін пияздың қажетті нақты қорын сараптау тапсырылды.

Талдау қорытындысы маусымаралық кезеңде пияз тапшылығы қаупін көрсетсе, ішкі нарықты қорғау шаралары алдын ала қолға алынатыны айтылды.

Отырыс премьер-министр Әлихан Смайыловтың азық-түлік тауарларының негізгі түрлерінің бағасын ұстап тұру қажеттігі туралы тапсырмасын орындау мақсатында ұйымдастырылды