Энергетика министрі дизель бағасына нақты жауап бере алмайды
"Ауыл шаруашылығы өндірушілеріне дизель көктемгі егіс жұмыстары үшін бөлшек саудадан 15-30% жеңілдікпен беріледі". Алайда бұл кесіп айтылған сөз емес, себебі "Энергетика министрлігінде ауыл шаруашылығы тауарын өндірушілері үшін дизель отынына арзандатылған бағаларды заңнамалық бекіту құзыреті жоқ".Мұны бүгінгі үкіметтің отырысында сала министрі Болат Ақшолақов айтты. "2022 жылғы көктемгі егіс жұмыстарын жүргізуге дизель тоннасына – 212 мың теңге немесе литріне 176 теңге болады. Мемлекет басшысының тапсырмасына сәйкес, негізгі ресурс ұстаушылармен кеңестер өткіздік", - дейді Ақшолақов.
