Доллардың теңгеге шаққандағы бағамы өзгеретін болды
Ұлттық банк Қазақстан қор биржасымен (KASE) бірлесіп теңге-доллар валюта жұбы бойынша сауда-саттық регламентін өзгерту туралы шешім қабылдады. Бұл туралы банктің ресми сайтында жазылды, деп хабарлайды Экспресс К.
Бұл шешім жоғары құбылмалылық аясында валюта нарығының тұрақсыздануына және сыртқы факторлар тарапынан қысым жасауға жол бермеу мақсатында қабылданды,— делінген ақпаратта. Сондай-ақ, теңге — доллар валюта жұбы бойынша сауда-саттықтың бұдан былайғы режимі туралы ақпарат ресми байланыс жасау арналары арқылы уақтылы жеткізілетін болады.
Бүгінгі сауда-саттық Нұр-Сұлтан қаласы уақытымен сағат 15:00-де ашылады және Франкфурт аукционы форматында жүргізіледі.
